mere bare me shuru se aakhir tak to batane layak aisa kuch nahi hai ..
Zindagi ek aam Middle class bachhe se ek khaas middle class ladke tak kaise.. kahan kahan hokar pohochi .. ye zarur bataunga aapko ...
sarkaari hospital me paida hua ,shahdra ke ek teen manzila makaan me aadha bachpan bitaya ..
Do behenein ..Tau ,chacha,Daadi , bua.. sab ke sab paida hote hi mujhe nazar aa gaye the...
bachpan ke din shayad wo sabe achhe din the .. Jaisa ki hum sab kehte hain..
magar hum to bachpan me bhi maar khate the aur bhi khate hain ..
maa baba bohot pyaar karte hain na mujhse.. khair.. ,
ek seedha saadha sa lagne wala bada shararti bachha .. school me aksar late pohochta ...
bada dil laga ke me school masti karne jaata tha .. aakhri baar second class me First aaya tha ..uske baad to kabhi top 10 me aane ko bhi taraste rahe ...me nahin ...mere maa baba .. :P
me to khush tha aise hi .. sare dost mil ke fail hote the .. utni khushi wo paas hoke nahi banaate jitni hum*saath* me fail hokar banaate the ..
aur fir khushi thi bhi to ..ki hum akele nahi hain :P ....
Safar thoda aage badhaata hu.. bachpan se hi dosti karne ka ek shauk tha ... ginte nahi bane itne dost banaye ... kaam to khair unme se koi nahi aaya .. :P ulta laat hi khayi janaab lagbhag sabse....
mere baba humesha mere uncle ki bete ki tareef karke mujhe sunaate the .. shayad unko lagta tha mujhey us se kuch seekhna chahiye tha .. Magar hum apni hi duniya me mast they :P pitaji ko kya samjhaata...bas unki baat par sar jhuka kar.. rondu si shakal bana kar aisa mehsoos karwata tha .. ki lage ki mera beta aaj se sudhar gaya ... Fir raat ko maa se kuch paise leke subah Unhi doston ke saath banta peene jata tha :P ...
school ke din to yun hi ghiste ghisaate bita diye ..kabhi maths me 100 me se 2 .. kabhi 100 me se 35 lekar aaye ..... umeed nahi thi gharwalon ko .. maGar humne bhi 12th class me 78% laake dikha diye ... yakeen kijiye sirf mere poore khandaan me mithaaiyaan bat gayi thi .. !! :P .. khair hum baniyon ko mithayi khane ka bahana chahiye ... warna mere pass hone par mere maa baba ke alawa aur koi khush nahi tha :P ..khaas kar ke mee Uncle aur unka padhaku beta ... :P
ab achhe colledge me jaane ki aukaat to thi nahi aise marks ke sath :P .. Haan Delhi university ke har bade college ke chakkar zarur lagaye the .. !! har us college me jahan ..... :P khair ..
kuch dosto ke sath JIMS college me admission le liya .. wahan to 50 %wale ko bhi aayiye janaab karke bitha lete hain :P .. hum tabhi toi chaati thok kar 78% wali marksheet dikha rahe the:P ..
admission lene ke kuch din baad samajh aaya ki bhaiya ... ye to apne bas ki hai nahi.. magar kya karte .. Fees itni mehngi ki agar college chhodne ki baat bhi sochu to baba haath me danda liye dikhte...khair jaise taise wo din bhi nikaal liye humne .. aakhir school se seekha hi yahi tha ... Dhakke me gaadi chalana .. !!
College ki wo partiyan yaad hai mujhe abhi tak .. har khoobsurat ladki ke sath ghoomta ladka hume humesha gadha hi nazar aata tha ... !! bas yahi baat nikalti thi muh se.. "is saale me kya dikh gaya isko" :P ... halanki hum Ladies department me kabhi kamzor nahi rahe .. magar fir bhi .. humesha achhi ladkiyan hume Us aur hi nazar aati thi .. :P ..
kabhi zahir nahi kiya magar har baar un ladkiyon se ghira rehne ki khwahish hum bhi karte the :P ... doston se magar yahi kehte the "abbey kya hai usme.. theek hai hai kuch khaas ni hai" ...
GYM jaakar body banakar bhi dekha ... John abraham ki tarah baal badhakar bhi dekha .. aur wo sab kuch kiya jo hume nihayti Fukra(ganwaar) bana kar doosre ke samne rakhti thi .. Magar hum to khud ko hero samjhe the :P .. Har ladki mujhe ghur ke dekh rahi hai .. Mere dost ye mujhse kehte aur hum maan bhi lete :P ... ..
college poora hua .. Dost sab apni apni zindagi apne apne dhang se jeene ke liye nikal pade.. !! koi kahin gaya koi kahin .. kabhi kabhi phone pe baat ho jaati hai ... ya agar galti se kahin mil jaye to hi hello ho jati hai ..
waise to ab me bhi badal gaya hoon .. heheh pehle se thoda kam gadha hoon ..Rozana koi baat .. koi nayi mulakaat hoti hai ... !! yun hi safar har roz kiye jaata hoon ...
sirf kuch chuninda baatein thi ye jo aapko batana theek samjha .. khud ko batana theek samjha ... bade dino se andar ek Shaqs baitha hua mujhse roz Yahin baatein karne ko betaab rehta hai ....
aaj me wahi kar raha hu ... !! ek shuruwat .. Khudd se baatein karne ki .. Aap se baatein karne ki ..:) ...
Nikhil...
